Жол қозғалысы ережелерін сақтау және жол-көлік жарақаттарының алдын алу бойынша халықты ақпараттандыру

Қыркүйектің 1-і мен 10-ы аралығында жол қозғалысы ережелерін сақтау және жол-көлік жарақаттарының алдын алу бойынша халықты ақпараттандырудың ұлттық бағдарламасы жүргізілуде. Жарақаттан болатын өлім-жітімнің негізгі себептерінің бірі — жол-көлік оқиғалары (ЖЖҚ). Дүниежүзілік денсаулық сақтау ұйымының мәліметтері бойынша, олар сыртқы себептерден болған барлық өлімнің шамамен 25% құрайды, оның ішінде жол-көлік апатынан қаза тапқандардың жартысынан көбі 15-44 жас аралығындағы адамдар. Соңғы кездері балалардың қатысуымен болатын жол апаттары да жиілеп кетті. Балалардың қауіпсіздігі көп жағдайда ата-аналарына да байланысты, олар өздері жиі жаман үлгі көрсетеді. Осы орайда ата-аналарға пайдалы кеңес бергім келеді. Балаларыңызбен серуендеу кезінде олармен көшеде қауіпсіз жүріс-тұрыс туралы сөйлесіңіз. Көшедегі тәртіп жаяу жүргіншілер қауіпсіздігінің кепілі, мұны балаңызға өз мысалыңызбен дәлелдеңіз. Баланың көшеде көрінуін жеңілдету үшін оған шағылысатын жолақтары немесе арнайы рефлекторлары бар неон түсті киім кию керек. Статистикалық мәліметтерге сәйкес, жол-көлік оқиғаларының ең көп саны жазда және күздің алғашқы айларында байқалады. Бағдарламаның негізгі мақсаты – тұрғындардың өмірін нығайту және сақтау, жауапкершілікті күшейту және өзін-өзі қорғау мінез-құлық дағдыларын қалыптастыру, жарақаттану проблемасына, жол қозғалысы ережелеріне, жылдамдықты шектеуге қоғамның назарын аудару. Халықты жарақаттың барлық түрлерінің алдын алу шаралары туралы ақпараттандыру.

Құрметті пациенттер!
Өзіңізге және жақындарыңызға қамқорлық жасаңыз, балаларыңызға өмір мен денсаулық бірінші кезектегі құндылықтар болып табылатын мінез-құлықтың дұрыс үлгісін сіңіріңіз!