Халықаралық нашақорлыққа және есірткінің заңсыз айналымына қарсы күрес күні

2023 жылғы 1-26 маусым аралығында республика өңірлерінде Халықаралық нашақорлыққа және есірткінің заңсыз айналымына қарсы күрес күніне орайластырылған айлық өтуде.

Аталған іс-шараны өткізудің мақсаты халықты есірткі құралдарының зияны, есірткіге ауыр тәуелділіктің пайда болуы және оларды қолданудың салдары туралы хабардар ету болып табылады. Сонымен қатар, өскелең ұрпақтың есірткіге қарсы тұрақты ұстанымын қалыптастыру мақсатында салауатты өмір салты мен патриоттық бағыт бойынша профилактикалық іс-шаралар өткізу жоспарланған.  

Ата-аналар нашақорлық бірден пайда болмайтынын есте ұстауы керек. Ол 1-3 ай ішінде дамиды. Бұл кезде жасөспірім әлі күнге дейін есірткіні күнделікті қабылдамайды, егер Сіз осы уақытта байқап, медициналық көмекке жүгінсеңіз, аурудың дамуын тоқтатуға болады.   

Айлық шеңберінде жазғы мектеп сауықтыру лагерлерінде білім беру ұйымдарының базасында профилактикалық іс-шараларды қалыптастыруға, кәмелетке толмағандар арасында нашақорлықтың таралуын болдырмауға бағытталған іс-шаралар (дәрістер, әңгімелер, спорттық-бұқаралық іс-шаралар және т.б.) өткізу жоспарланған.